GUDANG KAWANUA adalah qta pe tampa ba tulis info2 tentang apa saja... deng qta pe tampa for ba tampung aspirasi...
Sapa-sapa jo boleh noh skali2 jaga datang ba hoba2 akang kamari atow datang ba kontrol akang tu perkembangan baru dari Gudang Kawanua... Terutama yg suka skali tau info :
- Tentang Manado ... Lamu "LAlah MUlu", istilah orang Manado... karna banyak skali kwa tu Manado kar, Manado yg nda pernah pulang pi lia dorang pe kampung halaman...
- Tentang manfaat/khasiat teh pelangsing alami "teh jati cina"... karna qta supplier produk ini''' orang2 Manado kan banyak skali gode2 deng ba tawa2 kong so barewes, boleh noh coba ni qta pe produk ini... Banyak konsumen yg so sukses dorang da ba diet, karna da ba minum ini teh... jadi perlu skali ngoni ba coba...
- Tentang qta pe bisnis2 yg laeng... Qta kase nama jo bisnis online... Maklum qta pe blog so banyak pengunjung, jadi banyak tamang2 yg punya usaha bisnis, ba ajak kerja sama, kong promosi akang dorang pe bisnis pa qta pe blog... Lumayan kang...
Ada Rumah Panggung Kayu/Gazebo dari Manado/Minahasa, Macam2 Timbangan Digital, Alat Press Plastik/Impulse Sealer, Stiker Antena Penguat Sinyal Handphone/Modem/Blackberry ,Electric Shaver, Thermometer Digital, Flashlight Earpick, Teh Kulit Buah Manggis, etc...
- Tentang qta pe bisnis Property. Sebagai Broker Independen, qta banyak pasarkan lokasi tanah dan rumah di wilayah Kota Manado dan sekitarnya. Maklum qta pe kampung halaman katu-un. Info tentang qta pe lokasi bisa diliat di website www.urbanindo.com/ANNA.PROPERTY


Akhirnya TORANG SAMUA BASUDARA... SITOU TIMOU TUMOU TOU... PAKATUAN WO PAKALAWIREN... GOD BLESS YOU ALL...

PEMANDANGAN DARI UDARA

PEMANDANGAN  DARI UDARA
"Manyanyi Dulu Neh"... KOTA MANADO YANG KUCINTAI... KITA NYANDA MO LUPA... DARI KITA MASIH KECIL SAMPE KITA SO BASAR, JAGA PIGI DI KOBONG... MAKANG BATATA RUBUS, COLO DENG DABU2... ADODOH PE PEDIS SKALI... CARI AER NYANDA DAPA, MINUNG AER KLAPA MUDA... ADODOH PE SADAP SKALI...

MY LOVELY KIDZ

MY LOVELY KIDZ

MY LOVELY ALSHAQUEEL

MY LOVELY ALSHAQUEEL

www.urbanindo.com

Anna

Kamis, 22 Maret 2012

INFO WISATA KULINER DI MANADO

Untuk tamang2 yang rencana mo pi pasiar manado atow mo pi tugas kantor di manado atow yang so lama nda pernah pulang2 kampung  atow yang cuma mo ta singgah sadiki di manado...
Disini qta mo berbage info tentang wisata kuliner yang paling top di manado... Supaya ngoni nda bingo2 mo cari tampa makang... Ngoni so tau toh, kalu kota manado itu, paling terkenal deng dia pe makanan... 

1.  TINITUAN  <JL. WAKEKE>
Disini so ba jejer samua tu tampa makang tinituan, kurang ngoni mo pilih jo yang mana... Yang pasti samuanya enak2... Makang tinituan deng dabu2 ikang roa atow dabu2 bakasang... Kong ditambah lagi deng ikan nike goreng deng perkedel milu.. Adodoh pe sadap skali dang... Disitu juga da ba jual mie cakalang deng milu rubus...
Pokoknya samuanya enak2... Kalu nda percaya, datang jo jam 7 pagi, dijamin ngoni akang kehabisan tampa duduk karna so banya skali orang yang so ba antri mo ba makang deng mo ba bungkus for bawa pulang...

2.  NASI KUNING SEROJA <JL.DIPONEGORO DEPAN SKOLAHAN EBEN HAEZAR>
Ini dia tampa nasi kuning yang so paling lama deng paling top deng paling enak di manado... Dari qta masih kacili sampe skarang so 40-an taon, kalu mo cari nasi kuning enak, cuma disitu dia pe tampa...
Qta pe anak cowo kalu pi makang disitu, harus makang 2 porsi... Hehehe... Abis enak sih, dia bilang bagitu...Maklum anak ini lahir deng basar di Jawa...
Nasi kuning disini biasanya dorang hidangkan deng ikang cakalang abon deng dabu2nya...
Qta biasa ba bungkus bawa ke jakarta for oleh2... Dorang biasa bungkus deng daong woka, cuma tu tolor rubus dong se pisah, nda dikupas, katanya biar nda basi...

3.  GOHU DENG ES BRENEBON <JEMBATAN MIANGAS>
Ini tampa minum es brenebon deng gohu, so paling lama deng paling top deng paling enak di manado... Sama deng nasi kuning seroja, so dari qta masih kacili sampe so 40-an taon masih ada2 lei...
Brenebon itu kacang merah... Kalu gohu itu, pepaya mangkal yang dibeking rupa asinan...

Itulah sekilas info tentang tampa makang yang pokok2 jo di manado... Masih banya juga tampa makang yang laeng noh, selain 3 tampa diatas...







Tidak ada komentar:

Poskan Komentar

Silahkan Jika Ada Yang Ingin Komentar, Namun Tolong Gunakan Bahasa Yang Sopan...